【OPTICAL 88 醫療專題 眼科學說：認識糖尿眼】
糖尿病性視網膜病變，俗稱糖尿眼，係香港主要致盲殺手之一。
糖尿眼初期可以毫無徵兆，到出現明顯病徵嘅時候，好多時都已經去到中後期；視網膜會出現一啲較嚴重嘅病變，例如血管滲漏出血及黃斑水腫，影響視力。嚴重更會出現血管增生性病變，有機會造成糖尿病性黃斑病變或視網膜脫落而引致失明。
而糖尿上眼中後期嘅症狀通常包括：
- 視力模糊
- 飛蚊症
- 中央視野變形
如果你有以上症狀，或者懷疑自己患咗糖尿上眼，就記得要儘快睇眼科專科醫生，做一個徹底嘅眼部檢查啦！
眼科專科醫生指，治療糖尿眼，可透過激光或注射藥物入眼，減少水腫同出血嘅機會。如果出血位置影響中央視力或者出現視網膜結疤，增加視網膜脫落風險，就要考慮做手術去清除。
一般嚟講，糖尿病病人會患上糖尿眼嘅機會比較高。所以要減低患糖尿眼嘅風險，最重要係控制好血糖。如果你本身血糖比較高，或者係糖尿病病人，就記得每半年至一年做一次定期眼睛檢查，及早發現問題！嚟OPTICAL 88預約進行全面眼科視光檢查，一旦發現問題，我哋會安排眼科專科醫生為你跟進。
